صامتا وليس ساكتا

نفتح قلوبنا ونتكلم مع بعض بصراحة

انت اتكسرت قبل كدة ؟؟

داسك المجتمع الى انت عايش فى وقالك لا للمنكسرين ؟

حد خانك قبل كدة ؟؟

بتحس بالضعف ؟

طيب عندك الام جسدية مريض يعنى ؟حاسس انك محتاج لايد حنينة تشفى قلبك الى اتكسر بس مش لاقى ؟

دة الطبيعى عارف لية ؟ علشان احنا بانين حياتنا على رملة مش على صخره (ايمان)

على فكرة الالم مش هو الى بيوجعنا لا الحيرة هى الى بتوجعنا

اى انسان قادر انه يواجهة ويتحمل بس بشرط انه تكون مشكلتة واضحة زى الشهداء القديسين هم اتحملوا العذاب لية ؟؟؟ علشان كان الهدف واضح مفيش حيرة

عاوزين نفهم حاجة طبعا كلنا عارفين الية دى واديما بنقولها لبعض "كل الاشياء تعمل معا للخير -----

ربنا ماقلش على لسان بولس الرسول ان كل الاشياء جميلة وحلوة لا لا لكن هنا ربنا بيدينا وعد ان كل المصاعب هيحرج منها خير

مبقولكش وانت فى عز المك تضحك دة كدة يبقى مرض لاا لكن انا بقولك وبادعيك انك تدخا حجرة الانتظار ايوووون انتظر الر واصبر وهدى نفسك شةية وسيب الغضب شوية

طيب ولما تدخل هتعمل اية ركز كدة

انقل ملكية همومك والمك واحباطاتك اليه وليس اعراض همومك

مدخلش تقول لربنا انا عندى كذا وكذا وتصلى للمشاكل لا المطلوب انك تسيبها فى ححجرة المللك تخرج من غيرها قلل الحمل والشوال الى انت شايله فوق دهرك مش تصلى للمشاكل انها تتحل لا تسيبها عنده

صدقونى لو عملنا كدة هنفهم انه مش ساكت لكن هو كدة بيحب يفكر فيك وفى مشاكلك بهدوء

شوف ربنا بيقول اية لا اهدا حتى يخرج برها

ايون مش هيهدا ويرتاح غير لما يخرجك من التجربة وانت صافى زى الدهب

زى الدهب صدقونى هو صامت بس مش ساكت

ملخص in the fire