++ كل دا،،،،،عشانى

++ بعد ما وصلنا الى أقدس أسبوع فى السنة ( أسبوع الألام ) كلنا بنكون فية مجتمعين حول الهنا ومخلصنا الحبيب المصلوب على عود الصليب من خلال ساعات البصخة المقدسة .

+ وكل دا عشان أشعر بيه لما أمشى معاه خطوة بخطوة بداية من القراءات والألحان الحزينى الى التأمل فى صورة الصلبوت واللى فيها بيبان أد إية إلهنا إتعرى وإتهان وشرب كأس المرار عوضا عنى،،،،،، إجتاز المعصرة وحده،،،كل هذا من أجلى أنا الخاطىء

* هو أنا يارب أستاهل كل هذا الحب !!

* أنت فين من كل دا !! يعنى موجود معانا !! حاسس بالهك واللى عمله عشانك !!

+ ياريتك تشترك معانا فى الصلوات وتتذكر عمق الوجع والألامات،،،إوعى تكون مشغول زى ناس كتيير ومش عايز تكرس الوقت لمشاركة رب المجد .

* عارف كمان ليه لازم تيجى وتتأمل فى الصليب !!

+ لأن كتيير مننا فاكر أن الصليب عقاب وضعف لكن لازم تعرف بعد صعود الأبن الحبيب بكامل إرادته على عود الصليب حامل خطايا العالم كله ليتمم الخلاص صار فخر قوة وأنتصار للبشرية كلها،،،،،،،لك القوة والمجد والبركة والعزة الى الأبد أمين

+ خلى بالك لما يكون فى حياتك صليب لازم تشيله بشكر وإحتمال عشان تشبه الهك تمام،،بكده تشاركه الألم وتبين مقدار حبك وثباتك فيه لأنك شربت شويه من الكأس،،،،وثق أن النفس التى بلا صليب كعروس بلا عريس

* مش عارف أقولك إية يارب !!

+ أنا معترف اننا السبب فى كل هذا الوجع وبالرغم من انك كل يوم وافق على بابى وبتنادينى عشان أجى ودايما على الصليب فاتح حضنك ليا،،،،،لكن لسه مازال قلبى قاسى !! نفسى يارب أعمل زى اللص اليمين وأقولك من قلبى ،،،،،أذكرنى يارب متى جئت فى ملكوتك

+ محتاج يارب لمسه من دمك تطهر قلبى وتنور عينى وتغير فكرى وتحررنى من شهواتى اللى دايما شغلانى وبعدانى عنك

+ أعطينى يارب أن أدرك عظمة محبتك اللى واضحه من الدم المسفوك والظهر المجلود والجنب المطعون والأكليل المرصع بالشوك كل دا فى جسدك الرقيق الحنون أنت القدوس البار ملك الملوك

* مين أنا يارب اللى أستاهل كل هذا الحب !!

++ لك القــوة والمجـد والبــركة والعـزة الى الأبـد أميـن،،+،، ياعمانوئيل الهنا وملكنا

++ أذكرونى فى صلواتكم