منتدى البابا كيرلس السادس
مرحبا بك في منتدى البابا كيرلس السادس


انت غير مسجل فى المنتدى برجاء التسجيل


لتتمكن من الإستمتاع بكافة ما يوفره لك هذا المنتدى من خصائص, يجب عليك أن تسجل الدخول الى حسابك في المنتدى. إن لم يكن لديك حساب بعد, نتشرف بدعوتك لإنشائه.


الرئيسيةالبوابةالتسجيلدخول

شاطر | 
 

 اين هى قلوبكم ؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الابن الضال
Admin
Admin


عدد المساهمات : 262
تاريخ التسجيل : 16/04/2011
العمر : 26

مُساهمةموضوع: اين هى قلوبكم ؟؟   الأربعاء يوليو 13, 2011 5:29 am




اين هى قلوبكم ؟؟‏



ا واقف قمة فى الخشوع...جه جزء من
القداس واللى بيسأل فيه أبونا
أين هى قلوبكم؟؟
طبعاً الرد الطبيعى واللى مكتوب
فى الخولاجى قدامى هو انى اقول
هى عند الله
ولسه هنطق وأرد لقيت لسانى
اتعقد ومش قادراكمل...ولقيت نفسى دخلت فى حوار مع نفسى وقلت لنفسى استنى
استنى...انت كدة هتكذب علي ربنا
قلبك مين بس اللى عنده؟؟؟
انت واخد بالك هتقول ايه؟؟؟ ولا
انت واقف زى البغبغان بتترد فى المردات وخلاص؟؟
قلبك فين يا نفسي ؟؟؟جاوبى
بصراحة؟؟
انا تهت خالص وسبت القداس ولقيت
الحوار بينى وبين نفسى وقف و حالة من الصمت جوايا
بدور على جواب....؟؟
واتحول الحوار لمناجاه بينى
وبين ربنا وبدأت اكلمه وهو على الصليب...الصليب اللى فوق الهيكل
ودة الكلام اللى قلتهوله بالظبط
ربى يسوع ...أنا اسف..اسف
بجد..انا ليا كاااااام سنة وانا بكذب عليك فى القداس
ايوة ياربى بكذب...كل مرة ابونا
يقول اين هى قلوبكم ؟؟
وانا أرد بكل حماس...هى عند
الله
لا ياربى هو مش عندك انا
بعترفلك بكده
قلبى وقت القداس وفى اى وقت
تانى بيكون بعيد عنك وعنده اهتمامات اكبر منك واهم
قلبى بيروح يدور انه يشحت حب من
الناس ويسيبك انت يا نبع الحب والحنان
قلبى راضى يعيش فى
المزابل..برغم انك ممكن تلبسه اروع تاج
قلبى بيخونك كل يوم ....قلبى
بيرفضك..برغم ان انت مشتاقله
قلبى يا ابويا الخطية خلته زى
الحجر برغم ان عشرتك بتغيره لقلب لحمى
قلبى يا ابويا ....فينه قلبى؟؟؟؟
انت اكيد حاسس بكدة بس مكنتش
بترضى تحرجنى لانك حنين...وطويل الاناه كنت بتستحمل كذبى كل مرة
بس اشكرك يا ربى لانه جه اليوم
اللى خلتنى اخد بالى فيه من ده علشان اراجع نفسى
واشوف قلبى فين...انزل وادور
عليه علشان ارجعهولك ..اصله يارب دة مش بتاعى
دة بتاعك بس انا بعته ....انا
مكسوف منك اوى ياربى
بس عارف انك مسامحنى ودة اللى
مفرحنى
ادينى فرصه جديدة أبدأ معاك
...اخلى قلبى ليك..وانضفه علشان يليق بسكناك
فينك يا قلبى ...؟؟؟ ارجع يسوع
مسامحك هينقيك ويعليك وهيسكن فيك


اذكرونا واذكروا الخدمة فى صلواتكم


امــــــــــــــــــــــــــ+ــــــــــــــــــــــــــــــين

الرجوع الى أعلى الصفحة اذهب الى الأسفل
 
اين هى قلوبكم ؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى البابا كيرلس السادس :: الكتب و المقالات-
انتقل الى: