minao019
Admin
عدد المساهمات : 209
تاريخ التسجيل : 07/02/2011
العمر : 35
 |  موضوع: ++ القوة التى تصنع ،،،،المستحيلات  الأربعاء مايو 11, 2011 7:46 pm | |
|
++ للأسف الأيام دى كل يوم بنسمع عن أحداث عنف*سلب ونهب* طرد وقتل * تخلينا نفقد سلامنا ونشك فى محبة ربنا وحفظه لينا ومن كتر الخوف والقلق نسهر نقلب فى القنوات عشان نتابع أخر الأخبار * ياترى هو ده اللى ربنا عايزه منك ؟ و مستنى ايه عشان تيجى وتقرب منه !!
* لأمتى هتفضل بعيد عنه ومشغول بغيره !!
* تفتكر إيه أقوى سلاح تقدر تدافع بيه عن نفسك أو تحارب بيه الناس اللى ضدك !!
+ أظن السلاح القوى والأكيد اللى بيه تحارب أعداءك سواء الخفيين أوالظاهرين هوالصلاة
* بس أنا يارب كتير بصلى لكن حاسس أنك مش سامعنى !!
+ نفسى صلاتك توصلنى يعنى تكون من قلبك النقى أو على الأقل اللى بيجاهد ضد الخطية والشهوة لآن الوصية بتقول ،،،ان راعيت أثما فى قلبى لا يستمع لى الرب (مز 66 :18)
* كتير يارب بصلى لكن بسرح فى صلاتى وكمان بتكون من غير تركيز !!
+ عارف لو تحاول تتكلم معايا وانت مشتاق لى وقلبك مليان بحبى ساعتها هتتلذذ بيا وهتبقى مش عايز تسيبنى عشان هكون أنا الوحيد سر فرحك وسلامك ومتعتك ،،وخلى بالك ان لاحظت انسانا لا يحب الصلاة فأعرف أنه ليس فيه شىء صالح .
* يعنى مهما كانت مشاكلى يارب ،،،، ممكن تتحل بالصلاة !!
+ ياحبيبى عايزك وأنت بتصلى تكون واثق فيا وفى وعودى ويكون عندك الأيمان اللى ممكن ينقل الجبال ومادام قلبك نقى وبتحاول ،، تأكد أن طلبة البار تقتدر كثيرا فى فعلها (يع 5 :16 ) يعنى أقدر أحفظك وأعطيك أكثر مما تطلب أو تفتكر ،،،ولولوا لأن يوم الرب قريب قادم كخراب من القادر على كل شىء (أش 13: 6)
* أوعى تنسى تعمل حاجه مهمه قبل ماتخلص صلاتك !!
+ دايما تشكر ربنا أنه سمح ليك أنت التراب والرماد وبكل مافيك من ضعفات أنك تقف قدام ملك الملوك ،،،القدوس البار،،،،عشان تتحاور وتشتكى وتطلب وتصرخ أنه يرحمك ويحررك من أتعابك لأن ،،،، مهما سألتم بأسمى فذلك أفعله ليتمجد الآب بالأبن (يو 14:13 )
* تفتكر أنا وأنت نستاهل كل الحب والأهتمام ده من ربنا !!
++ تأكد أن ربنا معندوش أهم منك لأنك أبنه اللى دايما متشال فى حضنه بس عايزك تعيش بحياة التسليم وتسلك بأمانة فى الطريق ،،، وأنت واثق فى قدرته وقوته اللى تشيل همومك وتخفف أتعابك وأوجاعك لدرجة أنك تخرج متعذى وفرحان وكمان مرتاح البال لأن رجاءك فى الهك الذى لاينعس ولا ينام واللى قادر يحول كل الأمور لخيرك
+ تيقن أن ما وعد به هو قادر أن يفعه أيضا ( رؤ4 :21 )
++ أذكرونى فى صلواتكم
| |
|
