++ لأمتى هتفضل،،،،بعيد عنى

++ كلنا عارفين أن إلهنا الحبيب هو الطبيب الأعظم ووحده القادر على شفاء كل نفس مهما كان فيها من أمراض ** نفسية ** عضوية ** روحية

+ وكمان واثقين أنه جه من أجل المرضى والخطاة اللى أولهم أنا ،،،عشان كده قال ،،،تعالوا الى ياجميع المتعبين والثقيلى الأحمال وأنا أريحكم ( مت 11 : 28 )
* يعنى أجيلك فيــن يــارب !!
+ أنت عارف كويس أن بيتى (الكنيسة ) هى المستشفى اللى لازم تكون متواجد ومواظب عليها لأنها الوحيدة اللى هتلاقى فيها علاجك وكل وسائل راحتك

* بس أنا يارب إنسان خاطى وفيا عيوب كتيرة !! إزاى أدخل بيتك وأنا كده
* أنا مستنى شوية لما أبقى كويس وبعدين أجيلك !!

+ لازم تعرف أنك مش ممكن تخف وتبقى كويس طول ما أنت بعيد عنى وعن بيتى وإفتكر كلامى ليك،،،، لا يحتاج الأصحاء الى طبيب بل المرضى (لو5 :31 )يعنى أنا جيت مخصوص علشانك أنت

* بس أنا مكسوف يارب،،،،إزاى أدخل بيتك المقدس وأنا إنسان شرير !!

+ تعال وأنا بنفسى هغيرك وأحررك من ماضيك مهما كان لدرجة إنك هتكره الخطية المحبوبة عندك واللى متعلق بيها ومش قادر تسيبها ،،،،زى بالضبط الأبن الضال لما رجع مشتاق لبيت أبيه وأعترف بخطاياه،،،وقع أبيه على عنقه ليقبله وضمه الى حضنه ،،،وبعد أن نظفه ألبسه الحلة الجديدة وأرجعه إلى صورته الأولى النقية

* عايز كمان أقولك على حاجة مهمة !!

+ أنت أكتر واحد عارف نوع المرض اللى بتعانى منه عشان كده لازم تفضح خطيتك أمام أب إعترافك عشان يعطيك الإرشاد والتدريب المناسب لعلاجك ،،،،وزى مابتسمع نصيحة الدكتور وتأخد الدوا فى مواعيده عشان تخف وتقوم،،، كمان لازم تنفذ إرشاد أب إعترافك عشان تتحرر من خطيتك وأوجاعك

* لكن ليه يارب لازم أجى بيتك !!

+ عشان لازم تعرفنى عن قرب ولما تدخل فى علاقة حلوه معايا ،،هتحبنى ،، وتأكد كل دا مش ممكن يحصل إلا فى بيتى بداية من سماع الكلمة التى لا ترجع فارغة ** وكمان الألحان التسبحة ** صور القديسين ** رائحة البخور** الى الأهم والأعظم ( جسدى ودمى ) اللذان بدونهما تعيش ميت كما قال ملاك كنيسة ساردس ،،، لك أسما أنك حى وأنت ميت (رؤ3 :1 )

++ صدقنى ياحبيبى بعد التغيير هتشعر بفرق كبير لدرجة هتلوم نفسك وتقول،،،إزاى أنا كنت راضى بالعيشة وسط الخنازير ،،،وتأكد لما ربنا يلاقيك صادق فى مشاعرك وندمان وتائب من قلبك هيعوضك عن السنين اللى ضاعت من عمرك ويجذبك ليه بتعزياته ويشبعك بحبه وحنانه وكمان يملاك من سلامه ،،، تلذذ بالرب فيعطيك سؤل قلبك (مز37 :4 )

++ أذكرونى فى صلواتكم

» كيف يحتفل بعيد ميلاد شخص قد غادر الأرض؟